Merca tabatin miedo cu Roberto Rincón por a huy pa p.e. Aruba

HOUSTON - Miedo cu comerciante Venezolano Roberto Rincón lo por a huy pa e.o Aruba (a haci mencion di Spaña tambe), y sostene su mes pa bida largo riba e placa cu e tin riba cuentanan secreto, a pone cu autoridad Mericano a detene e comerciante aña pasa december. Asina a keda presenta den Corte diahuebs durante su audiencia, segun e agencia di noticia Bloomberg . "Su acceso na placa internacionalmente, su jet priva y casnan na Spaña y Aruba y provee un forma di biba unda cu ta pa resto di su bida" tabata motibo di su detencion. E propiedad(nan) na Aruba di Rincón a pone nos isla den e spotlight pa e caso aki for di momento di su detencion. 

ENVOLVIMENTO CU GOBIERNO

Ora cu su detencion a bira conoci, gobernantenan di Aruba a lamenta esaki y a spera lo mihor p'e. Mes momento nan a mustra sinembargo cu 'nan no tabata na altura di su vinculonan 'ilegal', y tabata simplemente acesora gobierno pa cu conexionnan cu a conduci na e lazo cu CITGO Petroleum.