Barco patruya marina real a intercepta 400 kilo di cocaina

PHILLIPSBURG - E barco di patruya di Marina Real, Zr Ms Groningen a intercepta un cantidad di 400 kilo di kokaïna na Islanan Ariba, St. Maarten, Saba y St. Eustatius. N’e momentonan aki Zr. Ms, Groningen ta patruyando pa Wardacosta di Caribe.

BOTO SOSPECHOSO 

E avion di patruya, Dash-8 di Wardacosta di Caribe a detecta un boto sospechoso durante nan patruya y a nota cu e tripulacion tabata bentando nan carga for di bordo. Mesora e helikopter di Groningen, e NH90 a lanta buelo pa asina  por determina e posicion exacto na unda e carga a keda benta. E FRISC ku ta e boto interceptor rapido di Groningen a bay na e luga indica pa por tuma e carga na bordo. A bin sali na cla cu ta trata di cocaina, bon paketa y haci pisa di manera cu e ta dificil pa esaki detecta riba lama.

HAF DI ST MAARTEN

Awe mainta Zr. Ms. Groningen a drenta haf di St. Maarten ceremonialmente y a haci entrega di e cargamento na autoridadnan di St. Maarten. Despues di e periodo hunto cu Wardakosta, Groningen lo tuma parti na e ehercicio anual di horcan na Isla Riba pa sigui pa Corsou caminda otro siman nan lo drenta haf ceremonialmente.