Kelly: Marisol Lopez Tromp a agredi Chris Dammers dos biaha

ORANJESTAD - Tres siman despues cu tabatin e incidente den parlamento entre presidente y vice presidente di parlamento, Marisol Lopez Tromp y Chris Dammers respectivamente, e unico testigo di e incidente ey,- parlamentario Jeffrey Kelly-, a bisa ken a haci kico na otro. Durante e tratamento di biahe di parlatino." Despues di un intercambio di palabra señora voorzitter, señora Lopez Tromp a agredi señor Dammers dos biaha na su cara y consecuentemente señor Dammers a pusha señora Lopez Tromp. Esey ta loke ami a mira e dia ey" Kelly a relata na NoticiaCla.com diamars atardi. Kelly a mustra cu awe tabata e momento oportuno pa declara kico a pasa e dia ey. 

CON E AGRESION A TUMA LUGAR

Ora cu a puntra Kelly ki forma Lopez a agredi Dammers, Kelly a bisa:" Ami a mira dos mokete cera dos biaha, bandi mokete agredi vice presidente di parlamento den su cara" Kelly a bisa. Declaracion cu el a duna tambe na Landsrecherche algun siman pasa. "Loke ami a mira ta cu despues sr Dammers a pusha voorzitter como reaccion na accion di voorzitter". 

TESTIGUA CERCA LANDSRECHERCHE

Segun e parlamentario, tur esnan cu por a mira kico a sosode dia 25 di mei ultimo ora cu tabatin e 'intercambio' entre parlamentarionan Marisol Lopez y Chris Dammers, mester a duna un declaracion na landsrecherche. Den cuadro di esaki, Jeffrey Kelly como miembro di parlamento cu tabata den sala ora cu e incidente a tuma lugar, tambe mester a testigua. Segun declaracion di Kelly na NoticiaCla.com e tambe a duna su declaracion dos siman pasa diabierna. 

RETIRO DI LOPEZ TROMP TABATA E MOMENTO PA PAPIA

Kelly a splica tambe cu el a tuma nota di e noticia rond di Lopez Tromp su retiro di AVP y independisacion como miembro di parlamento, y a pensa cu esey tabata e momento pa papia 'e berdad'. Kelly a mustra cu tur tempo el a bisa tambe cu e no tabatin miedo di papia e berdad, sino cu solamente e lo a haci e declaracion despues di a duna su declaracion na autoridad competente prome. "E berdad lo mi papi'e na e momento cu mi ta pensa ta corecto" Kelly a bisa, indicando cu awe tabata e dia. 

E ta mustra cu e no ta tuma parti pa ningun di dos. "Mester bay om cu e tipo di cosnan aki den un forma serio y responsabel".