Parlamento awor tin cu 'valida' e contractnan firma cu CITGO

ORANJESTAD –  Contractnan firma diabierna ultimo awor mester haya validez, pa medio di aprobacion den Parlamento. Segun minister Mike de Meza su splicacion, ora cu e pakete di documento ta cla, ta dirigi esakinan na Gobernador y na Raad van Advies, cual ultimo ta bay evalua su contenido y formula su opinion." Gobierno di Aruba lo atende cu cualkier preocupacion of opinion di e entidad" de Meza a sigura prensa dialuna mainta.

TRAYECTO PARLAMENTARIO

E mandatario a splica cu parlamento di su banda ta bay den 'Comision Central' pa trata e documento y despues di haya e contestanan necesario, ta yama un 'Reunion Publico' pa tur cos wordo trata y bay over na votacion pa su aprobacion. E fecha cu tur partido envolvi tin fiha ta 1 di augustus. Despues di aprobacion di Parlamento trabounan por cuminsa ya cu e actividadnan ta legalisa. "