Cruz Cora ta organisa ‘VACATION WALK”

Oranjestad− Pa habri vakantie grandi cu tur mucha y hoben na Aruba, Cruz Cora Aruba y Jeugd Rode Kruis ta organiza un “Vacation Walk”. Esaki ta pa hunto cera e aña escolar cu animo y habri e dushi temporada di vakantie.

E caminata aki ta tuma lugar, diadomingo 26 di juni saliendo 5.30 pm for di Cruz Cora Aruba den Pedro Gallegostraat, Dakota. E ruta lo ta: Rode Kruis, Pedro Gallegostraat 14, Caya Avenida Milio Croes, Wilhelminastraat, Weststraat, J.G. Emanstraat, Van Leeuwenhoekstraat, Adriaan Lacle Boulevard, Avenida Milio Croes, Pedro Gallegostraat, Rode Kruis y ta 5.5. kilometer. Por cuminsa registra caba durante ora di oficina na IBISA. Prijs pa tur hoben taAWG. 5,= y pa adulto ta AWG. 10,=.Riba anochinan di 22, 23 y 24 di juni, pero registra na Cruz Cora tambe entre 6 pm -8 pm. Cruz Cora Aruba kier motiva pa cera gruponan y bin cana hunto. Lo tin premio pa Grupo mas grandi, Grupo mas anima y Grupo mas creativo.