Gobierno ta papia cu a firma acuerdo cu CITGO Petroleum y no CITGO Aruba

ORANJESTAD - Gobierno a firma tres lease agreements cu Citgo Petroleum Corporation, cu ta conta cu mas di 2000 pagina. Richard Arends, hefe di e team negoshador pa Aruba ta confirma esaki diadomingo pa medio di un comunicado. "Tin tres lease agreements," segun  Arends, "Un lease agreement pa e refineria, un lease agreement pa e terminal y un lease agreements pa e tug-boatnan, e operacionnan maritimo cu tambe ta forma parti di e refineria." Esaki ta cuadra tambe cu e documentonan cu NoticiaCla.com a mira registra na Camara di Comercio. Loke Arends no ta splica den e comunicado, ta pakico ta papia di CITGO Petroleum aki, mientras cu internacionalmente ta papia di CITGO ARUBA, esta e compania registra na Aruba. 

ACUERDO MAS DETAYA CU TEMPO DI COASTAL

Segun Arends, contrario na acuerdonan anterior, manera esun cu Coastal Corporation, tabata consisti di 30 pagina, e acuerdo cu Citgo Petroleum Corporation ta conta mas di 2000 pagina. Un acuerdo hopi detaya y cu ta cubri un set di aspectonan amplio cu ta regarda e maner cu ta bay maneha y opera refineria di Aruba hunto cu operador Citgo.

MANEHO DI E LOODS

Banda di esaki a reglamenta tambe con ta bay maneha y ken ta bay opera e parti di loods na e refineria na San Nicolas. "E parti di loodswezen, ta bay wordo haci door di APA NV," segun Arends, "esey tabata un condicion cu Gobierno di Aruba a pone pa por garantisa siguridad y integridad di nos teritorio.  FOTO CORTESIA GOBIERNO VENEZOLANO