Total di 50 morto na Orlando den pio caso di matansa di historia na Merca

ORLANDO - E saldo temporal di e tiroteo den un gay club na Orlando ta poni na 50 hende, mientras cu tin 53 herida. Asina e alcalde di e ciudad Buddy Dyer a declara. A declara mesora un estado di emergencia den e ciudad popular di Florida. E tirado, identifica como Omar Mateen, a wordo tira mata durante e intercambio di tiro na final di e tiroteo. E caso mes a tuma lugar den oranan di marduga, ora cu Mateen a drenta e club Pulse  2 or y cuminsa tira hende. A tene esnan den e club rehen pa 3 ora largo pa despues 9 miembro di e ekipo di SWAT pone un fin na e situacion, considera awor como un acto di teror. E ta bira e pio caso di matansa den historia di Merca. Foto cortesia CNN