Dama a hoga na Baby Beach

Oranjestad - Autoridad a move tur locual por tabata na nan alcanse, mescos e personal medico di ImSan riba servicio di Ambulance, pa purba salba bida di un dama landando na Baby Beach. Pero lamentablemente tur esfuerso a resulta envano. Polisnan a yega na e sitio y a solicita ayudo medico, cu a yega mesora den forma di dos diferente ambulance. Probablemente testigonan a nota e situacion mucho laat, locual a haci dificil pa expertonan medico por a logra ainda pa salba e victima. No obstante, pa un bon rato a purba reanima e victima. Pa 3:29pm, Dr. Hilman Parra a constata morto di e victima, identifica como Irma Elisabeth Kwidama, naci na Aruba dia 6 di mei 1944 y tabata biba na Cas Paloma # 44. Cuerpo Policial Aruba ta expresa palabranan di nos mas profundo condolencia na famia di e fayecida.