Polis buscando paradero di hobencita

ORANJESTAD - Desde diaranson ultimo mas o menos 5:00 pm cu e hobencita a haya un discusion cu su mama, el a sali for di cas y no a regresa mas. Su mayornan a acudi na Polis, pidiendo pa busc'e pa cual mesora a informa patruyanan pa tira bista pa Daniela S. Churio-Calderon, naci na Colombia di 14 aña di edad. Nan ta bibando na Boegoeroei # 63-I.

E hoben ta midi 1.70m, ta delega, color di cuero ta licht bruin, color di cabey ta licht bruin, color di wowonan ta berde y ta papia papiamento. Ultimo biaha cu el a sali for di cas e tabata bisti cu un carson cortico color cora y un "tank top" color blanco. Su mama, Maria S. Churio-Calderon ta pidi cualkier persona cu por sa mas di su yiu muhe, pa yam'e mesora na celular 661-7510 of na 5679888 of yama Polis. Su famia ta hayando su falta hopi y kier pa e bolbe cas bek.