Henriquez: Vereniging Salba Urirama contento cu veredicto caso Bubali

ORANJESTAD - E sentencia di e siman aki di ABC contra gobierno riba e terenonan berde na Bubali, ta un muestra cu e LAR zittingen no ta traha na fabor publico y como tal mester a uza otro forma pa haya rason. Esaki tabata exactamente e argumento cu Vereniging Salba Urirama, repesenta door di e voorzitter  Holmo Henriquez, a trece dilanti den e hoorzitting di LAR aña pasa prome cu Vereniging Salba Urirama a bay beroep. 

LAR NO TA DEN FABOR DI PUEBLO

Segun Henriquez pues ta wak claramente tambe con LAR, si tempo ey, no a traha den fabor di e pueblo y a declara e belanghebbende nan es tempo ey ongegrond. " Ta den beroep Vereniging Salba Urirama a haña su rason apesar cu nan a wordo declara niet ontvankelijk, paso e hues den e caso ey a wak claramente cu for di un principio gobierno y Windpark Urirama N.V. no a cana nan debido caminda legal y a manda pa vernietig e vergunningnan otorga" Henriquez a bisa. Esaki a bin como resultado paso Vereniging Salba Urirama, representa door di Henriquez, tabata esnan cu a trece na conosimento di hues con tur e procedura a bay robes caminda tanto gobierno di Aruba y Windpark Urirama N.V. no a cumpli cu e debido proceduranan legal. "Adicionalmente, Windpark Urirama N.V. no tin e tereno den erfpacht y tampoco ta dispone di un bouwvergunning, unda DOW a duna negatief advies caba na diferente ocasion riba dje" Henriquez a sigui bisa. Lesa e reaccion completo aki di e fundacion Salba Urirama.