Pahra a dal den avion di Insel Air durante buelo

ORANJESTAD – Un avion di Insel Air tipo MD-80 di Aruba pa Miami mester a haci un aterisahe no planea na Corsou awe merdia, despues cu un pahra a dal den e avion. CEO di e compania Frederick Nuboer a confirma esaki na NoticiaCla. “No tin hopi danjo y awor tin cu inspecciona henter e avion prome cu por continua cu e buelo” Nuboer a confirma na NoticiaCla. E avion tabatin un ora di retraso caba, y ora cu porfin e buelo 8I 990 a subi, e mester a baha algun minuut despues na Corsou. No ta conoci unda e pahra a dal e avion, pero hopi biaha ta sosode cu ta den e motor of den e windshield di e avion esaki ta sosode. For di su fuentenan na Corsou, NoticiaCla a compronde cu e pasaheronan tur a wordo pidi pa baha di e avion pa e inspeccion completo por a tuma lugar. Si determina cu e avion ta safe, lo bolbe lanta buelo rumbo pa Miami.