Cruz Cora prepara pa calamidad, preocupa cu asunto di eventual asilo politico

ORANJESTAD - Mientras cu Cruz Cora ta prepara su mes semper pa cualkier calamidad, no ta kita afo cu nan ta preocupa cu e situacion cu lo por surgi. Aki e director di Cruz Cora Aruba Michel La Haye ta referi na e eventual posibilidad di entrada di refugiado na Aruba den un cantidad mas grandi cu normal. Actualmente no tin indicacion cu esaki ta e situacion awor, ni tampoco refugiado for di Venezuela na Aruba segun La Haye. E responsabilidad di esaki ta cay pa gobierno, y como tal Cruz Cora lo kier wak un plan pa esaki. "Mi a compronde via prensa, cu gobierno lo a indica cu nan tin un plan asina (pa atende cu refugiado)". E unico informacion cu e director sa di e plan, ta cu e tarea di Cruz Cora lo ta pa ta encarga cu distribucion di cuminda. "Algo cu nos por cumpli cu ne" La Haye ta sigui bisa. E responsabilidad di esaki ta cay pa gobierno, y como tal Cruz Cora lo kier wak un plan pa esaki. "Mi a compronde via prensa, cu gobierno lo a indica cu nan tin un plan asina (pa atende cu refugiado)". E unico informacion cu e director sa di e plan, ta cu e tarea di Cruz Cora lo ta pa ta encarga cu distribucion di cuminda. "Algo cu nos por cumpli cu ne" La Haye ta sigui bisa.

NO TIN NINGUN ACUERDO FIRMA 

La Haye ta confirma cu no tin ningun convenant cu gobierno den caso di un tipo di situacion si tin un migracion diripiente di refugiado for di p.e. Venezuela. "Y claro cu esey ta necesario (esta pa tin un acuerdo firma). Si bo no tin ningun palabracion firma riba papel, bo no sa 1. pa kico bo ta bay wordo pidi 2. bo no por prepara bo mes pa esey 3. ta papiando di ayudo potencial y no p.e. un partido di futbol amateur. Mi ta haya esaki algo penoso" La Haye ta sigui bisa. E ta mustra cu tin añanan ta purbando pa keda cla cu esaki, pero no ta logrando.

SITUACION ACTUAL DI MANEHO DI REFUGIADO

Pa loke ta e situacion actual di maneha entrada di posibel refugiado, La Haye ta conta cu ora cu nan wordo atendi pa autoridad, p.e. imigracion nan ta wordo manda pa Cruz Cora. "Nos tin un palabracion verbal pa esey awor. Esey ta pasobra awor no tin nada mas regla pa nan". E unico cu Cruz Cora por haci ta yuda e persona, indic'e cua caminda pa cana pa logra su documentonan pa por lo menos keda cla cu su derecho pa asilo politico. "Bo tin derecho pa pidi asilo. Bo no tin e derecho pa hay'e, pasobra esey ta un derecho cu e minister respectivo solamente por duna. Y den un periodo realistico (algun siman pa algun luna), e personanan aki mester por biba. Y unda y con nan por biba, si nan no ta haya nada?". A splica cu desde poco tempo pasa, ta otorga un permiso di trabou. Bo por bay traha, pero bo no por registra na Censo, pues bo no ta bin na remarke pa AZV. Si bo kier cuido medico, bo tin cu paga minimal 1000 dollar pa aña pa bo propio seguro medico. Si bo bin Aruba sin placa, con bo ta haci. Ta asina nos ta trata cu hende cu mester di proteccion?" La Haye ta finalisa bisando.