S & P Global Ratings a revisa e panorama di Aruba pa BBB+/A-2

NEW YORK -  S&P Global Ratings a revisa Aruba su panorama pa positivo for di stabil. Tambe nan a afirma e BBB+/A-2 termino largo y corto,  B+'. Nan panorama ta refleha e posibel acuerdo entre Aruba y CITGO pa habri e refineria bek. Mes momento ta mustra si cu e inseguridad pa loke ta e capacidad di CITGO pa tin e refineria operacional dentro di e margen planea, a pisa riba e analisis. Pero nan ta mustra cu si implementa e plan manera programa, S&P ta mira un inversion internacional directo mas fuerte cu por fortifica e PIB. Crecemento mas grandi, acopla cu e acuerdo fiscal di Aruba cu Hulanda, por resulta den consolidacion y reduccion di e debe mas lihe cu S&P a premira. S&P mes momento ta reitera cu e rating ta refleha e sistema di politica solido basa riba un parlamento democratico, y e status di ta miembro di Reino Hulandes. E ta refleha tambe su economia habri, cu ta depende grandemente riba turismo y su flexibilidad monetario minimo debi na su tasa di cambio fiho. Lesa e rapport completo aki.