Corte a prohibi gobierno otorga tereno erfpacht rond di Bubali Plas

ORANJESTAD - Corte awe mainta den un sentencia a prohibi gobierno di Aruba pa otorga tereno den erfpacht y mester tene su mes na e ROP (Ruimtelijk Ontwikkelingsplan) manera stipula na 2009. E hecho cu ta trahando hotel riba e terenonan ey, ta empugna cu e ROP. E percelanan stipula ta tereno 'berde' y como tal no mag tin construccion eyriba. Tambe Corte ta di opinion cu gobierno mester tene nan mes na e ROP ora di maneha tereno domeingrond y otorgamento di tereno erfpacht, a lo menos cu tin motibonan pisa cu pa desvia di e ROP. Den e caso aki sinembargo, gobierno no a logra indica pakico mester a desvia di e ROP den e caso aki. Como tal, door di otorga tereno den erfpacht of door di permiti cu ta laga rosa tereno cu tin un destinacion 'berde', gobierno ta viola ley. E intencion di e caso sumario di Aruba Birdlife Conservation (ABC) tabata pa evita cu ta otorgando tereno berde pa traha proyectonan hotelero eyriba.  Lesa e sentencia aki. pagina 1, 2, 3, 4, 5, 6.  Mas informacion den curso di dia.