AHATA a pospone reunion cu gobierno riba tema di all inclusive

ORANJESTAD - E  reunion entre gobierno y AHATA a keda posponi dialuna mainta. Asina e mandatario di turismo Otmar Oduber a confirma na NoticiaCla.com. Motibo di esaki ta e hecho cu nan lo no por a reuni tur e gerentenan general di e hotelnan pa bin e reunion. No ta conoci ki dia e reunion lo continua. E mandatario ta lamenta esaki, pero ta keda habri pa reuni atrobe. 

TRATAMENTO DI LEY DEN PARLAMENTO

Mientrastanto e mandatario a confirma cu parlamento a pone dia 8 como ultimo dia cu parlamentarionan por entrega nan preguntanan riba e tema aki pa por trata e ley. "E proceso di comision central tin cu tuma lugar e ora y pa otro siman gobierno por haya e informacion necesario pa contesta esaki di biaha pa despues parlamento fiha un fecha (pa e reunion)" Oduber a bisa. E ta kere cu pa den e proximo 2 simannan parlamento por fiha un fecha pa e reunion publico por tuma lugar y wak si ta aproba of desaproba e ley di all inclusive nobo.