Minister di Venezuela a confirma importancia di CITGO pa ambos pais

ORANJESTAD - Minister di Venezuela Jesus German Faria Tortosa a confirma importancia di CITGO pa ambos pais. Asina oficina di e mandatario di labor di Aruba a informa pa medio di un comunicado den fin di siman. Tabata durante un encuentro cu e minister di Venezuela, a sostene cu minister di labor Paul Croes y minister di asuntonan economico, Mike de Meza, e mandatario Venezolano a mustra riba e importancia di e refineria pa ambos pais. Segun e relato, e ministernan a mustra cu for di e relacion comercial petrolero aki, e dos paisnan lo mester sigui traha pa amplia e relacion bilateral. E nacionnan ta liga geograficamente, historicamente, comercialmente, culturalmente y politicamente na otro. 

REACCION DI VENEZUELA 

Segun e comunicado difundi, e mandatario Venezolano a mustra cu e reapertura di e refineria ta importante no solamente pa Aruba, pero tambe pa su propio pais cu ta actualmente den un necesidad pa divisas. Faria Tortosa a ofrece tur su apoyo pa estrecha e lasonan entre e paisnan bisiña. Tur esnan envolvi a cataloga e encuentro aki como uno hopi positivo.