Dakota ta gana Nacional y mantene posicion invicto den liga division di honor

ORANJESTAD - SV Dakota a mantene su posicion invicto den liga division di honor, ganando Deportivo Nacional cu e score di 4-0.  Asina SV Dakota awor ta bira e prome team pa clasifica pa final den e fase aki di "Playoff" di e campeonato Division Honor 2015-2016.

DESAROYO DI WEGA

E goleadonan pa SV Dakota tabata Paul Nickelson cu a anota e prome gol na di 43 minuut di wega, sigui pa Johnson Rincon cu a anota e di dos gol na di 67 minuut di wega, sigui pa Joel Balentien cu a anota e di tres gol na di 76 minuut di wega mientras cu e di cuater y ultimo gol a cay despues di 90 minuut di wega, pues den tempo adicional, anota dor di Jesus Peñate. Durante e wega a duna 2 carchi geel na hungadonan di Deportivo Nacional/Washington, esta Elias Hidalgo na di 30 minuut di wega y na Peterson Guierrier na di 38 minuut di wega. 

CONSTELACION DI EKIPO DAKOTA

Pa e ekipo di SV Dakota, e hungadonan tabata Eric Abdul, Ferdinant Robert, David Hodell, Ezra Bosnie, Jesus Peñate, Ricky Hodge, Paul Nickelson, Abdias Desiv, Donceldo Santos, Shown Mercere, Michael Irausquin. Varios hungado di SV Dakota a ricibi castigo den forma di carchi geel. Nan ta Ezra Bosnie, Abdias Desir, Eric Abdul, David Abdul, Paul Nickelson, Jesus Peñate, Ferkant Sophia y Ferdinant Robert.

CONSTELACION DI EKIPO NACIONAL

E ekipo di Deportivo Nacional/Washington a consisti di Antonio Giel, Lindsay Monsley, Rensly Tromp, Rendrick Lampe, Akeen Charles, Elias Hidalgo, Valdo Leocadio, Claudio Calvalante, Andre Kelly, Diveros Davis Jose y Peterson Guerier. Lider di e team ta Michael Kelly, Director Tecnico ta John Villar, masahista ta Kenneth Leest y e capitan di e team ta Valde Leocadio.