Venezuela y Aruba a tene evento pa fortalece strategia di negoshi

ORANJESTAD -  Cu presencia di mas di 100 empresario di Aruba y Venezuela, e prome 'encuentro pa fomenta exportacion Venezolano y inversion' a tuma lugar na Aruba. Minister di poder popular pa comercio y exterior Jesus Faria a mustra cu pa reimpulsa e economia Venelano, a nace e Agenda Económica Bolivariana y el Motor Exportador den cuadro di e esfuerso pa dera e modelo rentista y dependiente y en bes construi un modelo productivo y exportador. 

ENCUENTRO BINACIONAL

Durante e encuentro 'binacional' di empresario, a presenta e avancenan di politica economica Venezolano y e proposicionnan cu di eynan lo sigui pa e relacionnan bilateral entre Venezuela y Aruba. Intencion segun e minister Venezolano ta pa realisa den menos cu un luna, un ronda di negoshi cu presencia di un cantidad importante di exportador nacional di Aruba, pa asina cuminsa mesora cu e intercambio comercial y relacion economico di e dos paisnan. 

REACCION DI ARUBA

Minister presidente interino di Aruba Mike de Meza a considera e encuentro empresarial hopi exitoso."A toca varios tema di interes mutuo. Gobierno di Aruba ta gradici e bishita di e minister di comercio di exterior y tambe e gobierno di Republica Bolivariana di Venezuela" e mandataro a bisa. Pa loke ta minister di labor di Aruba Paul Croes, ela indica cu tabatin hopi empresario cu a intercambia di idea y proyecto pa asocia nan mes cu ne. "Sin duda un bon paso pa continua extresa lazonan entre Aruba y Venezuela".