Atraco brutal den un casino di hotel na Corsou

WILLEMSTAD - Den oranan di marduga varios unidad policial a keda dirigi pa casino di Venetto Holiday Beach Hotel situa na Pater Eeuwensweg. Un atraco brutal a keda cometi dor di 5 homber na e casino aki, despues cu nan a logra drenta paden y cu arma potente a logra pone tur trahado y otronan para ketu. E 5 hombernan aki a logra di mara tur trahado den un tempu record na man y pia mientras tabata pone tur hende drumi cabes abou di manera cu bo no por wak kico ta pasando. Segun indicacion 2 di nan lo mester a keda para vigila tur trahado cu arma di candela di mik riba nan, mientras e 3 otronan a ruimop basta miles di placa cash for di cahera etc.. Despues di e acto aki, tur 5 a hui bai cu e botin. Polisnan durante buskeda a bin topa cu handschoen y algo di paña parti patras banda di monumento di Lucha pa Libertad. Locual ta algo remarkabel pa trahadonan tabata cu e hombernan aki su pia di carson/sapato tabata muha i sushi na santu, cual ta duna indicacion cu nan a bini for di e area di lama, Megapier/Koredor y a hui bek despues di e atraco den e mesun direccion. No ta exclui tampoco cu kisas nan por a hasi uzo di boto pa comete e atrako aki, pues investigacion ta canando pa soluciona otro caso grandi di atraco. Foto vakantiestunt.nl.