Stichting Musica a presenta agenda ambisioso pa 2016

Posted on 6/2/2016, 6:28 PM AST | Updated on 6/2/2016, 6:32 PM AST

ORANJESTAD - Despues di un silencio y un e Musical Softball Tournament, Stichting Musica a presenta nan jaarplan di actividad pa 2016. Stichting musica kier a gradici tur Musico, miembro nan di prensa, commission y sponsernan pa un exitoso Musical Softball Tournament cu tawata tin na comienso di luna.

MUSICAL SOFTBALL TOURNAMENT

Musical Softball tournament a bay exitoso debi cu nos meta a wordo cumpli. Musiconan a uni hunto riba un dia y e tawata un ambiente ameno y competencia postivo.

YEAR PLAN

Pa loke ta trata e resto di aña Stichting Musica no ta drumi. Nos ta pidi caba pa e pueblo mantene e fechanan aki habri. Nos lo tin:                                                                                                                                       

Ban Topa Cocktail Party 1 Juli 2016 Mens Erger Je Niet Live  5-7 Augustus 2016 Battle of the Bands 8 Oktober 2016 Aruba Music Awards 22 November 2016

Ban Topa Cocktail Party

Esaki ta bay ta un actividad pa tur musico topa cu otro y have a great time. Ta laga nos trabao di musico un rato pa por sinta relax disfruta di e ambiente di Musico pa Musico. 

Mens Erger Je Niet Live

Nos bandanan, gruponan local ta haya e oprtunidad di midi forza riba un level deportivo social atrobe. Den e caso aki e lo ta un torneo di 3 dia cu 16 banda compitiendo. dia 5 y 6 lo tin e prome ronde y ganadornan cu na finalist ta hunga diadomingo dia 7 pa por tin e campeon di competencia. 

Battle of the Bands 2106

Tur banda lo por compete den e festival aki. E lo ta un dia di actividad cu diferente banda pa despues na final saca e mihor banda di e anochi cu lo wordu corona como Banda campeon. Nos sa cu tin Hopi banda activo y cu sigur lo duna un bon presentacion y nos ta elogia esey di tur musico. Actividad aki ta encabesa pa Bobby Gibbs.

Aruba Musica Awards 2016 

Henter aña musiconan ta produci y no tin un mihor forma pa elogia tur produccion cu ta sali cu ta di nos pais. Pesey no tin un fecha mas bunita pa elogia e musiconan riba nan dia. Lo bay tin en total 42 premio cu lo wordo entrega a base di criterianan y voto publico.  Marca e fechanan bon den agenda pa bo por presencia y goza di tur loke Stichting Musica ta organisa henter anja.