Tres componente ta dificulta negosacion di CAO pa trahadonan Elmar

ORANJESTAD - E situacion laboral na Elmar ta wordo discuti ainda. Awe ta continua cu e reunion cu e trahadonan riba e proximo CAO. Ta negoshando un acuerdo di 4 aña, y tin dos pa tres componente cu e trahadonan a rechasa di e acuerdo. A sugeri na gerencia pa sinta cu e trahadonan y splica nan e puntonan aki, y cu e trahadonan mester di mas informacion pa saca nan for di e duda. Awe a keda di presenta un of mas alternativa pa yega na e sindicato por bay bek y keda cla cu e CAO otro siman. 

COMPONENTENAN PROBLEMATICO

Entre e componentena problematico tin structura di salario cu ta establece un maximo y minimo pa cada funcion cu no tabata existi, un aumento general di 2018/19 ta basa riba evaluacion y no un automatismo di costo di bida, y e cambio di funcion cu no ta traha na nan fabor. Loke tambe mediado di gobierno a informa ta cu los di e componentenan 'negativo', tin hopi componente cu si ta positivo y considera como adelanto directo den salario.