Temporada di horcan 2016 mas activo cu normal!

BRIDGETOWN  – Temporada di horcan pa 2016 a inicia diaranson y ta premira un temporada mas activo cu normal. De hecho, durante un presentacion recientemente na Barbados, a alerta residentenan di Caribe, cu por tin mas actividad ciclonico (horcan) e aña aki compara cu e ultimo 5 añanan. A pronostica cu e efecto faborabel di tempo presenta pa e fenomeno La Niña lo ta bek na augustus, tres luna den e temporada. Tanto El Niño como La Niña ta fenomeno cu ta afecta e temperatura di e awa. Pa un situacion faborabel, e awa mester ta cayente. 

PRONOSTICO ACTUALISA

Na april a pronostica un total di12 tormenta, 5 horcan y 2 horcan serio. Sinembargo NOAA a aumenta esaki y bisa cu tin 70% chens pa e cantidad bira entre 10 pa 16 tormenta, di cual 4 pa 8 lo bira horcan y entre 1 pa 4 horcan bira uno serio (Categoria 5). E chens ta halto tambe cu e temporada pues lo ta mas activo cu normal y cu ta casi sigur cu un of dos horcan lo subi tera na Merca.