CAft: Cifra di prome cuartal 'mas of menos' den liña di norma stipula

ORANJESTAD - Gobierno di Aruba ta surpasa e norma di deficit cu 0.1% pa 2016, (e norma ta 2% pa 2016), na 103.1 miyon florin. Pero esaki ta basa riba e cifranan 'diferente' (calculacion) di Banco Central compara cu esun di gobierno riba e realisacion di e PIB. CAft (Colegio di supervision financiero di Aruba) ta conclui cu basa riba e informacion ricibi, cu e cifranan di e prome cuartal ta cuadra 'mas of menos' den liña di e norma di deficit manera palabra'. Asina e organo consultativo ta raporta den su 'conseho riba presupuesto 2016 y su prome reaccion riba e cifranan di e raportahe di ehecucion di presupuesto pa prome cuartal di 2016. Mientras cu CAft ta duna gobierno algun elogio pa mehoracion den e cifranan, e ta stipula 4 recomendacion pa tene cuenta cu ne ora cu e presenta e raportahe di eheccion di presupuesto di e di dos cuartal di 2016.

RECOMENDACIONAN

Entre e recomendacionan, kier pa tin un analisis completo di e efecto di e eventual reapertura di nos refineria, y hunto cu ne un analisis di e risico cu esaki por tin. Tambe e kier mira un analisis y splicacion amplio di con gobierno tin pensa di genera mas entrada y cuanto, uzando entre otro e instrumento di impuesto di VAS (Voldoening op Aangifte Systeem). Tambe CAft kier wak e cifranan di realisacion di e sector colectivo, cu ta algo cu a keda afo den e prome rapport. Y finalmente CAft kier mira un splicacion mas amplio riba e efecto cu caha di gobierno tin riba e proyectonan PPP, particularmente e Green Corridor y e Watty Vos Boulevard. Keda pendiente pa mas analisis. 

Por lesa e rapport completo aki.