IPKO: Islanan Hulandes contra visa pa Venezolanonan

DEN HAAG – E parlamentonan di Aruba, Corsou, Sint Maarten y Hulanda awe riba e di dos dia di e deliberacion Interparlamentario di Reino (IPKO) a palabra e situacion precario na Venezuela. Un pregunta importante ta con ta trata ku e consequencianan di esaki, cu por sinti caba riba e islanan.

Segun e miembro di Staten Arubano René Herdé tin mas y mas atraco 'lia na pseudoturismo’ for di Venezuela. E kiermen Venezolano cu ta keda riba un di e islanan ABC, ta comete un of mas crimen, y ta baha bay nan pais bek rapidamente. André Bosman (Hulanda) kier pa e islanan percura pa e structura legal ta na ordo. E ta haña ku ta un bon plan pa introduci deber di visa pa Venezolano pa asina tene refugiado afor na frontera.

Areglo ESTA

E islanan no kier esaki. “E ora ey bo ta cera sierto porta, pa turista y inversionista”. Alex Rosaria (Corsou) ta bisa. “Ademas, refugiado riba barco no ta busca visa. Sino nunca Cubano lo no a bay Merca.” Sí Rosaria ta boga pa un screenmento reforsa na frontera. Na luga di un obligacion pa tin visa e ta pensa na un areglo ESTA manera Merca conoce.

Capacidad di acohida

Herdé ta haña cu e capacidadnan físico y organisatorio di su isla ta mucho chikíto. Lo el a prefera di manda refugiado bay paisnan mas grandi cu mihor provision, pero esaki no por asin’asina. Tambe ta parce manera e instancianan autorisa den e paisnan envolvi ta comparti poko informacion. Esaki parcialmente tin di haci cu e sensitividad di e topico.

Venezuela

Mayoria di pueblo Venezolano ta biba bou di e margen di pobresa. E pais ta hañ’é den un crisis politico, economico y social profundo. Criminalidad ta extremadamente halto .

Autor y foto  Pieter Hofmann Ret Karibense