Reunion di IPKO a cuminsa na Hulanda diamars mainta

DEN HAAG - Riba e prome dia di renionnan entre e tres parlamentonan di Aruba, Corsow y St Maarten na Den Haag, Hulanda, a trata un cantidad di tema di interes comun pa e tres paisnan ruman den Caribe. Asina miembro di e delegacion Rene Herde ta raporta. Diamars e reunionnan cu un delegacion di Parlamento Hulandes ta cuminsa. Temanan manera cooperasion riba tereno di cuido medico cu a wordo atendi door di Mervin Wyatt Ras, asunto di hubentud cu a wordo atendi door di Marlon Sneek, temanan di igualdad y di enseñansa cu sra. Desiree de Sousa Croes a atende y auntonan di sostenebilidad cu sra Clarisca Velasquez a atende. Y asina tabata tin mas tema cu otro miembronan di e delegacion a atende den nomber di Parlamento di Aruba. Importante ta cu e concepto di ley cu e tres parlamentonan di Aruba, Corsow y St Maarten a traha hunto a keda cla. Den resto di siman aki e reunionnan y bishitanan di trabou lo tuma luga na Hulanda. Pueblo di Aruba lo wordo informa diariamente di desaroyonan na Hulanda y lo haya splicacion di e importancia pa Aruba.Foto cortesia M. Lopez