Gobierno a anuncia renobacion completo di biblioteca na San Nicolas

SAN NICOLAS - Gobierno a anuncia renobacion completo di biblioteca na San Nicolas dialuna mainta. Usando fondo di turismo, e mandatario encarga cu e respectivo cartera, Otmar Oduber a mustra cu cu ta pone cabes hunto contribuyendo a traves di turismo na e diferente aspecto importante den nos comunidad. Segun e mandatario, 'ta atraves di fondonan adicional ricibi di resultadonan di turismo na 2015 y entradanan adicional di 4 miyon Florin di aeropuerto, cu por a pone fondonan disponibel pa renobacion completo di nos Biblioteca na San Nicolas.

USO DI FONDO

Unanimamente tur e Ministernan di Gabinete Mike Eman II a tuma e decision durante Conseho di Minsiter, cu e fondonan adicional mester bay aloca pa e biblioteca na San Nicolas. No solamente pa drecha e fachada di e edificio pero pa paden tambe haciele apto pa tanto e muchanan y hobennan cu mester un espacio pa nan por haci nan les of sigui desaroya cu tur e materialnan disponibel.