Saldo final di accidente fatal Venezuela: 8 di cual 2 ta Hulandes

NOTICIA ACTUALISA

ANZOÁTEGUI - Den e accidente fatal na Venezuela diadomingo unda cu tabatin un cantidad di morto, finalmente a resulta cu ta 2 Hulandes a fayece y no 10 manera e raportahe inicial a bisa. E problema inicial tabata e confusion formal entre medionan di comunicacion Venezolano riba e raportahe di e caso aki, entre nan esun respeta Globovision, di unda cu NoticiaCla.com a ricibi e noticia. Algun a raporta 10, y despues el a resulta den 4 y 2 y te hasta 1. Pero finalmente ta 2 persona Hulandes a fayece den e accidente aki. E hecho cu ta solamente 2 Hulandes a fayece, no ta haci e situacion mas miho, pasobra na fin ta 8 persona a muri si.  

E ACCIDENTE

 E accidente a tuma lugar riba e caminda principal cu ta dirigi pa e ciudad di Maturin, estado Monagas. Segun informacion ricibi di e portal Globovision, den e mesun accidente dos Venezolano a keda herida y a keda traslada pa e hospital universitario Dr Luis Razetti na Barcelona. No a duna e identidad di esnan fayeci ainda. Fuente: Globovision foto cortesia  Diario El Norte