Delegacion di Aruba presente na IPKO 2016 otro siman na Hulanda

DEN HAAG - Otro siman ta tuma lugar e asina yama consulta entre parlamentonan di Hulanda, Aruba, Corsou y St Maarten. E asina yama Inter Parlementair Koninkrijks Overleg (IPKO) ta tuma lugar di 31 di mei pa 3 di juni 2016.  Aruba su delegacion lo consisti di 10 parlamentario y un griffier y ta presidi pa presidente di parlamento Marisol Lopez Tromp. 

AGENDA

E tres delegacionan ta wordo spera dia 31 di mei pa 9:45am cerca e presidente di Eerste kamer y Tweede Kamer, respectivamente Ankie Broekers-Knol y Khadija Arib. Acerca lo bin delegacionan di Eerste y Tweede Kamer. Den un reunion plenario den e sala di reunion di Eerste Kamer, tur miembro di delegacion lo tene un discurso chikito y lo trata e topiconan di cuido medico, enseñansa, posibilidadnan economico dentro di Reino, discriminacion, cambio di clima, energia, integridad di gobernacion, hubetud y hobennan. Despues di almuerso e cuater delegacionan lo drenta Thorbeckezaal di Tweede Kamer pa sigui cu nan reunionnan entre otro di e topico hubentud y hobennan. Riba diaranson lo trata integridad di gobernacion, cuido medico, y discriminacion. Despues e delegacionan lo haci un bishita di trabou na e National Cyber Security Centrum.  Riba diahuebs 2 di juni lo papia entre otro riba e uso di articulonan 15 y 21 di reglement di Gobernador door di Conseho di minister di Reino, y e geschillenregeling. Proximo e delegacionan lo haci un bishita di trabou na e cas provincial Utrecht y na Inspectie di cuido medico. 

CLAUSURA

E reunion interparlamentario ta wordo clausura diabierna awor 3 di juni cu e acuerdo y firmamento di e lista di palabracion y un conferencia di prensa conhunto di e 4 delegacionan. Foto cortesia di www.qracao.com.