Lopez Tromp y Dammers ta contradeci otro riba bululu den parlamento

ORANJESTAD - Despues di tende declaracion di tanto presidente di parlamento Marisol Lopez Tromp como vice presidente Chris Dammers, no tin claridad ken a inicia e intercambio di mokete, sla of agresion contra otro. E prome pa haci declaracion tabata Lopez Tromp pafo di edificio di recherche na Eagle. Lopez ta sigura cu ta ela wordo agredi pa Dammers, y cu ta pa algo exclusivamente di tratamento di presupuesto di parlamento. Dammers ta argumenta sinembargo cu ta Lopez a pas'e dos mokete, y ela wanta e di tres den defensa. Ambos a entrega keho contra otro, Lopez na Eagle y Dammers na San Nicolas. Mientras cu Dammers ta sigura cu ta un sin fin di problema tabatin cu Lopez, e presidente ta sigura cu te cu awe, no tabatin ningun asunto cu por a conduci na e situacion aki. Por mira e declaracion di Lopez aki riba video di noticiacla.com (video) y scucha e declaracion (audio) di Dammers cu ta cortesia di programa OYOYOY di Ralph Maduro.