Bululu den parlamento entre Chris Dammers y Marisol Lopez Tromp

ORANJESTAD - Un situacion a bay for di man awe mainta den sala di parlamento ora cu segun informacion cu NoticiaCla.com a ricibi, e vice presidente di parlamento Chris Dammers lo a dal e presidente di parlamento un bofta den su cara. Riba un video cu a wordo saca den parlamento, por nota con Lopez Tromp ta reclama Dammers den bos halto, mientras cu casa di Lopez Tromp (Edsel Lopez) a yega y a hala atencion fuertemente di Dammers. E origen di e problema tabata un discusion riba un biahe di parlamento cu mester tuma lugar. Y lo a cuestiona esaki. 

KICO A PASA

Segun un version cu NoticiaCla.com a haya, ta mustra cu Dammers lo a pasa  Lopez Tromp un cant'i man, y e otro version ta cu Lopez lo a pusha Dammers un banda pa despues Dammers pas'e un wanta.  E video sinembargo ta mustra con Lopez den bos halto ta reclama Dammers mientras cu ambos ta para meymey den sala di parlamento. Diripiente ta mira y tende casa di Lopez yega parlamento y reclamando Dammers den bos halto. Keda pendiente pa mas informacion. Wak e video aki.