Posibel caso di skimming via ATM na Pos Chikito

ORANJESTAD – Polis ta investigando posibel caso di skimming via mashi di ATM na RBC Bank na Pos Chikito. Informacion cu NoticiaCla a haya di polis ta indica cu na momento cu un ciudadano a bay pa haci uzo di e ATM mashin el a nota algo straño cu e mashin. Despues di investigacion a bin resulta cu a trata di un intento di skimming.Recherche hunto cu personanan di IT di e banco concerni a yega na e sitio y a bin deduci cu actonan fraudulento tabata tumando luga na e ATM mashin aki. Polis ta sali e yamada na tur esunnan cu por a haci uzo di e ATM mashin aki pa controla nan “statement” y si tin un of otro iregularidad pa acudi mesora na un filial di RBC.Cuerpo Policial ta conseha un y tur, cu na momento di haci uzo di un mashin di ATM, pa ta alerta y consciente cu “skimming” por tuma luga y si ta sinti e minimo duda, cu por acudi mesora na bo banco of na Polis. Esaki ta conta pa tur mashin di ATM di tur banco comercial riba nos isla.