Corte: Yiu 'di afo' ta keda cu fam di mama aunke tata a reconoce

Oranjestad – Corte na Aruba a dicidi awe cu un yiu di afo por keda cu e fam di e mama, aunke cu e tata a reconoce e yiu.  Na Aruba y islanan BES (contrario na St Maarten y Corsou) ainda no a introduci e derecho nobo di nomber cu ta laga mayornan dicidi e fam di e yiu. Esey ta nifica cu na Aruba y riba islanan BES ainda un yiu ta haya e fam di e tata. Mester clarifica den e caso aki, cu 'yiu di afo' den e caso aki no kiermen yiu cu un persona a haya 'pafo di su matrimonio', sino un yiu entre pareha cu no ta legalmente casa. 

NO TA APLICA REGLA 

Den e caso particular aki, corte no a aplica e regla aki. Ta trata di un yiu cu a nace 'pafo di matrimonio' y como tal na ora di nacemento a haya e fam di e mama. E tata den e caso aki kier a reconce e yiu. Y aunke cu e mama no tabatin obhecion pa cu esaki, e tabata kier pa e yiu keda cu fam di e mama. E deseo aki a wordo honra pa corte comun di husticia. 

DISPUTA

Corte a husga cu ta ser disputa cu e derecho Arubiano di nomber ta discriminatorio basa riba sexo. E mama di un yiu den e derecho di nomber actual -unda cu e yiu ta haya e fam di e tata automaticamente- ta wordo perhudica sin cu tin suficiente hustificacion pa esey. E tipo di discriminacion di muher ta prohibi den constitucion di Aruba, y tambe prohibi segun 3 tratado cu Aruba ta forma parti di dje. Ya ta 27 aña pasa cu corte supremo a dicta cu esaki ta discriminacion pero e tempo ey a considera no prudente den margen di ley pa actua. Durante un periodo largo cu parlamento no a deshaci di e discriminacion ey, por conduci na un otro punto di bista di e hues. 

CORTE A ACTUA CORECTO

Corte a mustra cu e no ta for di su tereno pa den e caso specifico aki, laga e hecho descriminatorio (artikel 1:5 lid 1 van het Burgerlijk Wetboek van Aruba)  pafo di e caso aki. E efecto aki ta pone cu den futuro otro mamanan tin e posiblidad tambe pa mama duna e yiu e fam di e mama.