Polis a detene dos persona cu intencion di comete 'algo grandi'

ORANJESTAD – Polis actuando riba tips, a pasa pa detencion di un sospechoso C. Brook na oficina di Elmar. Den su auto, polis a bin haya marihuana. Esey tabata suficiente tambe pa detene su amiga hulandes di fam vd Pol. A sgui cu entrada hudicial na su cas na Canoastraat (cu permiso di Hues Comisario) unda cu a haya basta arma (scherpe patronen y jachtpatronen) di un arma estilo ‘jachtgeweer. Tambe a haya un escala (weegschaal) y algun mata di marihuana den cura. Tin indicacion cu e persona aki ta bende droga tambe.

Motibo pa polis actua asina rapido ta pasobra a haya informacion cu e persona deteni, lo tabata bende arma y cu lo tabata planeando pa haci ‘algo grandi’. Cu a informacion aki a dicidi pa actua mesora y detene e persona diabierna mainta.