Lo fortifica control riba Venezolano y Colombianonan pa papel di garantia

ORANJESTAD - E hefe di imigracion ta basta satisfecho cu e forma con cos ta bayendo, pero ainda tin hopi caminda mas pa drecha. Entre nan tin cosnan cu ta bay wordo haci cu Vingal no por divulga ainda. Ta plannan cu riba termino cortico lo bay implementa. Entre nan haci e control mas skerpi, specificamente pa Venezolano y Colombianonan, y ta trata di e hendenan cu ta haci uzo di e papelnan di garantia. Esaki ta necesario mirando e posibel abuso cu ta cometiendo. E cambionan aki ta drenta na vigor aki un luna. Ta trata di un garantstelling formulier, esta pa hendenan cu ta para garantia pa otro. "Door cu bo ta wak cu tin hende cu diripiente no ta haya placa, awor nos ta sinti cu tin mal uzo riba papel di garantia, of hendenan cu eigenlijk no por para garantia pa otro hende. Cosnan asina nos ta bay controla mas miho".