Murayanan di kapel Alto Vista cubri cu grafiti di pedofiel

ORANJESTAD - E hecho cu awe mainta murayanan di e kapel di Alto Vista a lanta cu grafiti cu e palabranan pedofiel, a crea indignacion den comunidad. Tempran mester a core drecha e situacion y tapa e bista mahos cu a keda atras prome cu e kapel cuminsa ricibi su bishitanan diario. Un di esnan cu tabata hopi indigna, tabata pastoor Jairo Maduro. 

PASTOOR MADURO

Riba su pagina di Facebook, pastoor Maduro a pone e.o. " Tur esaki nos mester acepta awor? Nos santuario mester wordo shusha? Mi ruman abo cu a haci esey, ta e prome pedofiel di bo mes yiunan, ora bo no a sa di duna nan un bida di famia manera mester ta. Abo ta pedofiel di bo yiunan prome cu otro". Fuera di Maduro, un cantidad di persona a cuminsa reacciona riba e acto aki. No ta conoci ken(denan) a comete e acto aki . E foto cortesia di 24ora.com ta mustra con hendenan tabata kitando e grafiti poni riba murayanan di e kapel.