Hubada Cycling Team coriendo bais pa fun

ORANJESTAD - Hubada Cycling Team a cuminsa cu 4 pa 8 persona coriendo bais tur diasabra pa fun. Despues poco poco e grupo di diasabra a cuminsa bira mas grandi y a dicidi pa pone un nomber pa e grupo/team. 

E promer careda bou di e nomber Hubada Cycling Team tabata Duo Extreme na december y di eynan Hubada Cycling Team a keda bira mas grandi cu awor ta consisti di 25 miembro. 

Despues di sigui competi Hubada Cycling Team a sa di logra subi podium den tur competencia te cu awor!!! 

Hubada Cycling Team tin miembro den mayoria categoría cu ta,  Kids, Beginners, Masters, Elite y pronto den Sportive. 

Mirando e interes grandi cu e Team aki tin pa sigui bai dilanti den e sport aki, a opta pa haci un rifa y acerca varios sponsors cual a bay hopi bon mes di manera cu nos por a inverti den dos tent cu su banderanan y tambe stoel cu e logo di e Hubada Cycling Team cu su sponsornan y sin laga afor e bunita uniform nan pa cada miembro cu nos ta presenta na boso nan awe. 

Hubada Cycling Team ta trahando duro riba nos propio trail cu yama “Tribu Trail” di cual nos proximo careda cu ta bay tuma lugar dia 25 di september cu lo carga e nomber di "Hubada MTB Bash" cu lo tuma lugar eynan. Tribu Trail ta situa den NOORD (Safir) y e ta un trial cu tin un poco di tur cos cu ta ensera techniek, speed, uphill climbs, downhill cual sigur lo duna un intensive adrenaline rush pa tur participante/competidor di e sport MTB.

Ya caba nos ta den e fase final di "Tribu Trail" kiermen dentro di algun siman mas, tur coredor por disfruta di dje completo.

Danki Special na tur conocirnan cu ta Famia y Amistadesnan, na Clea y Maria y sin laga afor na nos Sponsornan cu ta: Dal Pest Control, RBC, Plus Accountants, Orange City, Kendall, Garage Central, Weng Kee, TOTTO, Setar y FX Sports.