Mayoria di ilegal cu ta deporta for di Aruba ta procedente di Venezuela

ORANJESTAD - Mayoria di ilegal cu ta deporta for di Aruba ta procedente di Venezuela. Minister di husticia Arthur Dowers den fin di siman a confirma cu actualmente tur dia ta deporta 6 pa 7 ilegal; mayoria di Venezuela. E cantidad di persona cu ta drenta Aruba via di e costanan ta minimo, e mayoria ta personanan cu ta yega Aruba legalmente como turista cu avion, pa despues nan keda tin permiso. Ora autoridadnan haya nan ta traha nan por wordo deteni y e proceso ta cuminsa pa nan deportacion. Tambe ilegalnan cu ta keda deteni ora nan comete un acto criminal.