METEO: Advertencia pa biento duro na vigor pa Aruba

ORANJESTAD -  Un advertencia pa biento duro ta na vigor for di 12 pm, diadomingo 22 di mei; E advertencia di biento duro aki lo keda efectivo te 12 pm diaranson 25 di mei 2016. Areanan afecta full Aruba.

SYNOPSIS

Un area di presion halto riba oceano atlantico y un area di presion abou riba noord di Colombia lo mantene diferencia grandi di presion den nos area y asina un biento fuerte y hopi duro. Biento lo supla cu mas o menos 20 te 25 nudo y ta anticipa cu lo tin rafaga cu por yega te 34 y te hasta 40 nudo (beaufort 8).

ACCION DE PRECAUCION

Usuarionan di lama ta wordo urgi pa tene cautele riba lama. Mara obhetonan cu ta los, pasobra nan por bula rond dor di e biento asina fuerte. Turistanan no mester bai leu den lama, especialmente banda costanan parti noord y oost. Adicionalmente tambe keda alerta entre waf y Manchebo Beach Hotel. E aviso pa boto chikito lo keda balido te proximo aviso

AREANAN AFECTA

Costa noord, costa di arashi, high rise y low rise hotels.

SYNOPSIS

Biento fuerte cu por yega 35 te 40 nudo (beaufort 8) lo causa situacion peligroso riba lama cu olanan cu por yega 6 te localmente 10 pia. Algun ola por haci e lama hopi bruto na playanan

ACCION DE PRECAUCION

Usadonan di lama ta wordo avisa pa tene cautela cerca e area di costanan menciona ariba.