Oduber: Ta lamenta publicacionnan cu atake fuerte di AHATA riba all-inclusive

ORANJESTAD - "Mi ta lamenta cu den e publicacionnan di AHATA relaciona cu all Inclusive e atakenan ta bira mas fuerte y personal" ta palabra di minster di turismo Otmar Oduber awe mainta riba e bay bin di aviso e siman aki den medionan di comunicacion entre gobierno y AHATA. Segun e mandatario, di su banda e lo keda habri pa dialogo cu respet manera cu semper el a haci. "Y lo sigui reuni cu e diferente actornan den nos comunidad manera ATIA, Asociacion di Real Estate y Camara di Comercio. Nos lo bolbe sinta cu tur gremio, incluyendo AHATA, pasobra na final loke nos kier logra ta un ley cu ta sirbi interes general di nos pais" Oduber a bisa finalmente.