Hueznan debidamente conciente di impacto cu caso abuso di menor tin riba comunidad

ORANJESTAD - Huesnan no ta infalibel. "Sigur cu no", vice presidente cu corte comun di Aruba, Corsou y St Maarten Peter Lemaire a sigura prensa diaranson durante un presentacion di e relato anual di aña (2015). E pregunta ta a rais di cuestionamento ultimo tempo di sentencia den casonan den caso di abuso sexual di menor. "Un hues ta evalua tur circumstancia" Lemaire a bisa. E ta un tema cu por dedica henter un atardi pa splica, segun e vice presidente. Pero e caso ta cuminsa cu e exigencia di un fiscal riba un caso. 

COMUNIDAD PRECUPA 

Pa loke ta e tipo di sentencia den caso di abuso sexual di menor, Lemaire a admiti cu como hues, nan tambe conoce e tipo di señalnan ey, unda cu tin preocupacion den comunidad. De hecho a mira esaki den caso di abuso di mucha. "Loke bo ta wak ta cu den nos bista semper bo por discuti kico un bon castigo ta, kico un castigo pisa of leve ta . Pero e casonan grandi di abuso, bo ta wak semper cu tin sentencianan pisa di prizon di algun aña."

CASONAN NO NORMAL 

Loke Lemaire ta admiti tambe ta cu tin casonan cu no ta 'normal'. Ta trata di casonan unda cu por ehempel e victima no ta sinti'e como un victima, pero si tabata un mucha muher menor di edad y e culpabel tabata mayor di edad. Esey ta castigabel (pa ley), pero si e mucha muher no ta considera su mes como un victima, e ora esey no ta un caso tipo di abuso" Lemaire a bisa. Tin e diferencia di violacion cometi pa un homber desconoci den mondi, cu ta wordo considera como un caso serio. "Y tin tambe e caso di 'mishimento di menor'. Bo mester tene cuenta ki impacto e tin cu e victima" Lemaire a sigui bisa. " Pero e idea cu huesnan no ta hopi conciente di e impacto di caso di abuso sexual riba victima, mi no ta reconoce e hurisprudencia di e tribunal (corte) aki" Lemaire a bisa. Pues segun e vice presidente, huesnan ta debidamente conciente di e impacto cu e casonan aki tin riba comunidad.

CON HUES TA HUZGA

A base di tanto e exigencia di fiscal, y e defensa di e partido en cuestion, ley aplicabel, conocemento di e dossier, e hues ta dicidi riba e caso. No tin ningun caso similar, pero por ta cu e abogado of ministerio publico por reacciona cu nan no ta compronde nada di e 'sentencia'. Esaki sigur si posiblemente pa casonan casi similar, a dicta un sentencia diferente. "Pa casonan asina ta existi e corte di apelacion pa trata e caso cu otro argumento y, ainda por bay corte supremo pa wak si eynan tambe tin otro huzgamento."