Avionnan Egypto a haya 'articulonan geel' posibel di EgyptAir cu a crash

PARIS - Oficialnan Griego a raporta cu dos 'articulo' color geel a wordo localisa pa avionan Egypto, y ta sospecha cu e dos articulonan ta di e avion di EgyptAir cu a cay den lama awe marduga. Presidente Frances Hollande a informa awe mainta cu e avion a cay den lama, pero no a localisa esaki ainda. Manera ta conoci, for di ayera nochi un avion di EgyptAir di Paris pa Cairo a haci dos birada skerpi prome cu el a cay den lama mediteraneo, segun minister Griego Panos Kammenos. "E avion a 'cay' mas di 25 mil pia prome cu ela desaparece for di radar. E posibilidad di un atake terorista ta mas grandi cu un fayo mecanico, segun e minister di aviacion civil Egypto Sherif Fathi a bisa. E avion tabatin 56 persona a bordo di cual 7 tabata tripulacion y 3 tabata personal di seguridad. E foto di e avion ta saca na 2014 na aeropuerto di Cairo na Egypto. (Airteamimages)