Chris Brown ta bin Curaçao North Sea jazz

WILLEMSTAD - Cu orguyo Curaçao North Sea Jazz ta anuncia Chris Brown pa su di 7 edicion. E cantante/rapper Mericano lo clausura diabierna dia 2 di september riba stage Sam Cooke.

Chris Brown a marca historia cu su prome single Run It! dor di logra e puesto di mas halto riba BillBoard. For di e tempo ey Chris Brown a crece y bira un di e artistanan Mericano mas popular y a bende miyones di disco rond mundo. Tambe e la gana diferente premio, entre cua un Grammy, American Music Awards y BET Awards y a concentra tambe riba un carera como actor. Den 2015 Chris Brown a saca su di 7 disco, Royalty; y e mesun aña ey e la saca un disco cu rapper Tyga.

Royalty ta su di 6 hit number 1 riba BillBoard R&B/Hip-Hop chart. No solamente e piesa a sali number 1 riba listanan di R&B, pero tambe number 2 riba lista di Disconan mas bendi y posicion number 3 den BillBoard 200. Den un siman di tempo Royalty a logra benta di mas halto, for di tempo di F.A.M.E. den 2011. Y pa di shete (7) biaha cu Chris Brown ta logra top dies di BillBoard 200, den e siman cu e la saca su disco.