Polis ta buscando paradero di Anthony Arends

ORANJESTAD - Desde diabierna dia 6 di mei rond di 3:00 pm den cercania di Tienda Geerman na Tanki Leendert tabata e ultimo biaha cu a mira Anthony Damian Arends. Polis ta pidi comunidad cooperacion pa duna informacion riba paradero di e meneer aki. E tin postura normal y ta di color di cuero blanco, cabey preto y wowo berde y ta papia papiamento. E ultimo biaha cu su famia a mir'e e tabata bisti na un camisa oranje cu manga largo y un carson bruin cu sapato preto. Su famia ta preocupa p'e, pa cual a emiti un peticion di buskeda na Polis. Cuerpo Policial Aruba ta haci un peticion na comunidad, pa cualkier persona cu por sa mas di e meneer Arends, pa yama Polis mesora na number di telefoon 100. Ta gradici comunidad pa e cooperacion di semper.