Hilton Aruba Caribbean Resort a gana premio cotidia na Miami

MIAMI - Durante e reciente cumbre di CHRIS ( Caribbean Hotel & Resort Investment Summit) na Miami, considera como e cumbre comercial mas importante di Cariba, Hilton Aruba Caribbean Resort a gana e premio prestigioso 'Single Asset Transaction of the Year'. E premio a keda presenta na Aruba Growth Fund (AGF) / Goldman Sachs JV su representante Rene Kan, cu ta esnan cu a cumpra e propiedad di Carlson Hotels Real Estate Inc na juli di 2015.  di e hotel. 

E SELECCION

E comision 'Single Asset Transaction of the Year Award' consistiendo di lidernan di e industria hotelero ta selecta dealnan hotelero den Caribe cu a tuma lugar den e aña anterior, y despues ta mand'e pa e delegadonan pa e votamento final. 

PREMIO MAS SPECIAL AINDA

Den un combersacion priva, e representante di e doño di hotel Rene Kan a comparti na un di e miembronan di e comision, cu el a bin e conferencia den representacion di e casi 20.000 miembornan di fondonan di pensioen di Aruba cu ta inverti den e AGF, y cu incluyendo famianan, ta representa porta 80.000 Arubiano. Schwartz cu tabata emociona pa e detaye ey, a manda un nota skirbi na man despues di e premio indicando cu 'mi tabatin e placer di representa e premio pa hopi aña y francamente, esaki ta esun mas significativo pa e loke boso a conta nos, di e hendenan di Aruba, poniendo nan placa di pensioen traha'.