The Cinemas at Paseo cla pa estrena nan proyectornan nobo 3D

PALM BEACH - Despues cu The Cinemas na Paseo Herencia a instala y estrena nan sistema di zonido nobo recientemente den nan auditorium # 6, cu a haya e apodo 'Feel the Sound', nan ta cla pa nan proximo cambio.  Un otro slogan cu nan ta uzando awor ta esun di  "3D Kisses on your cheeks", cu nan ta referi na e experiencia pa nan dos autoditoriums ekipa pa pelicula 3D. 

SALA 3D

Aki nan a caba instala proyectornan nobo 3D, cu ta inclui e tecnologia mas nobo. E experiencia aki ta nifica cu e persona cu mira cine den e salanan aki, por practicamente sinti e actornan/personahe den e pelicula sali di pantaya pa sunchi bo wang. E cinema a test esaki cu e pelicula Captain America e siman aki, y ta parce cu bo por casi sunchi Chris Evans (e actor) riba su wang. E brilnan nobo di 3D ta traha pro medio ambiente. 

ESTRENO DIARANSON 

Den cuadro di esaki otro siman diaranson mey anochi pa diahuebs dia 18 di mei pa exactamente 12'or The Cinemas na Paseo lo estrena 'X-Men Apocalypse' den 3D den un di e auditoriumnan cu tin e proyector nobo di 3D. Pa esnan cu no ta amante di pelicula estilo 3D, nan por wak e mesun pelicula den e sala cu zonido estilo 'Sinti e zonido', den auditorium 6. Ademas mester anuncia cu mientras cu na Merca e pelicula aki ta keda estrena te dia 26 di mei proximo, na Aruba (mescos cu tabata e caso cu Captain America), e lo extrena un siman prome!!!