Weganan Playoff di Arubaanse Voetbal Bond riba canal 100 Cable Digital

Posted on 5/14/2016, 5:04 PM AST | Updated on 5/14/2016, 5:05 PM AST

ORANJESTAD - SETAR conhuntamente cu Arubaanse Voetbal Bond (AVB) ta contento di anuncia cu lo transmiti tur e weganan di Playoff, cuminsando awe, diasabra 14 di mei. E wega mes ta cuminsa 7or di anochi, pero ya desde 5or di atardi lo cuminsa transmiti e ambiente pa asina celebra e inicio di e temporada.

Clientenan di Cable Digital cu pa un of otro motibo no por bai e weganan na stadion Guillermo Trinidad por disfruta di e partidonan for di nan cas, via canal 100 di Cable Digital. Ademas di e weganan, lo tin diferente otro programa, manera analysis di wega, informacion di hungadornan y tambe ripiticion.

E 4 team nan cu ta den final ta:

- RCA

- Britannia

- Nacional

- Dakota

SETAR ta desea tur e teamnan hopi suerte y pa fanaticonan disfruta di e dushi temporada di playoff. Por bishita pagina di Facebook di SETAR y/of di AVB pa schedule di e weganan. Pa mas informacion por tuma contacto cu SETAR na 525-1700.