Autoridad Hulandes pidiendo ayudo di Aruba pa soluciona caso

APELDOORN/ORANJESTAD - Autoridad Hulandes ta buscando ayudo riba islanan Hulandes den Caribe (entre nan Aruba) pa soluciona un caso di asesinato di luna pasa. E asesinato a tuma lugar luna pasa na Hulanda (Apeldoorn) unda cu ta sospecha cu e persona aki lo ta 'Antiyano'. Fiscal mayor di e ciudad Hulandes a publica un recompensa di 15.000 euro pa yuda conduci na informacion cu por soluciona e caso aki. E buskeda specifico tin cu  conduci na hayazgo di e tirado desconoci. 

E CASO

Tabata dia 19 di maart ultimo cu Marlon Fidanque (31) a wordo tira mata, y su ruman seriamente herida (32). Ta ora cu e personanan aki a yega nan cas cu e e tiroteo a tuma lugar. Maron Fidanque a fayece na e sitio, y su ruman a keda seriamente herida. Otro persona na e cas tambe a keda tira den su brasa. E tabata sa di trece su mes y su 4 yiunan den seguridad. 

TRANSMISION DI E PROGRAMA

Diamars awor e programa Hulandes Opsporing Verzocht lo dedica atencion extendi na e caso di tiroteo aki. E raportahe di e caso aki (unda cu por mira un reconstruccion), lo tin subtitulo na papiamento tambe, y por mira e raportahe aki atrobe un dia despues via www.opsporingverzocht.nl. Esnan cu kier wak e raportahe diamars envivo por hacie online via live.politie.nl   y no mester skibi www prome. E transmision di e programa ta pa 8:30 di anochi. Foto cortesia Pim Velthuizen.