Camara di Comercio: Falta di decencia di gobierno pa no ‘show up’ pa dialogo

ORANJESTAD – E ta un falta di respet loke cu gobierno a haci diahuebs di no aparece pa firmamento di e protocol. Esaki ta prome comentario di presidente di Camara di Comercio Omar Tromp na NoticiaCla. “At least nos tabatin e decencia di manda un email pa gobierno mainta pa bisa cu nos lo no a firma (e protocol di AZV), pasobra nos no tabata di acuerdo” Tromp a sigui bisa. “Tur hende ta wardabo eynan. Prensa tambe y bo ta gewoon keda sin show up y sin avisa cu bo no ta bin”, Tromp a continua bisando. E ta considera esaki fastioso y un ‘falta di respet pa e gremionan cu no tabatey’.

E motibo pa no firma segun Tromp ta pasobra prome gobierno pidi pueblo pa aporta mas na AZV, via prima of BBO, cu gobierno mester demostra cu e ta corta su gastonan tambe di un manera mas structural. “ Y esey ainda no a pasa” Tromp a bisa. Como tal Camara di Comercio no a mira e motibo pa cambia nan punto di bista riba firma. “Prome cu nos firma algo, gobierno tin cu baha su gastonan”.