A aproba ley cu ta prohibi benta di alcohol na persona menor di 18 aña

ORANJESTAD - Parlamento den un forma unanime a aprobe a ley cu ta hisa e edad pa bende bebida alcoholico di 16 aña pa 18 aña. Esey kiermen cu un persona menor di 18 aña di edad awor no por cumpra bebida alcoholico mas na Aruba. Hunto cu e ley aki, a pasa un ley (tambe unanime) cu ta prohibi humamento di cigaria/tabaco den lugarnan publico. Pero contrario na e ley di alcohol, esun di tabaco tin cu warda un rato pa keda ahusta cu algun leynan mas pa 'e haya mas contenido'. 

INICIATIVA DI LEY

Vice presidente di parlamento Chris Dammers a splica NoticiaCla.com cu ambos iniciativa di ley tabata di parlamentario colega di partido Marlon Sneek, haciendo asina uzo di constitucion unda cu un miembro di parlamento tambe tin e derecho pa e por entrega ley di iniciativa. Segun Dammers, e ley completamente riba su mes, ta esun di limitacion di uzo di tabaco (cigaria), mientras cu e otro tabata un cambio riba e vergunningsverordening caminda cu e edad di bende alcohol a wordo aumenta. 

VOTAMENTO UNANIME

Mientras cu ta papia di forma di voto unanime, ta tur parlamentario a firma, tur tabatey durante gran parti di e tratamento di e ley. "Esaki na final como voorzitter bo tin cu puntra si mester bay over na hoofdelijke stemming unda cu aki tur a bisa cu no ta necesario" Dammers a bisa. Segun e vice presidente di parlamento, por a sinti durante tratamento di e ley cu tur hende tabata di acuerdo cu e ley, ya cu den pasado a haci hopi intento caba cu e ley aki y no a logra. "Porfin aworaki e dos leynan aki a bay full e trayecto, y a bay SER tambe pa comentario cu tabata redelijk positief cu nan impacto si of no". Asina e dos leynan aki a pasa unanimamente. 

AMIENDA Y MOCION

Tabatin amienda di PDR pa un di e leynan mirando cu ta trata di un asina yama 'kaderwet' cu tin diferente LBHAM (Landsbesluit Houdende Maatregelen) cu ta bay duna mas den detaye aplicacion di unda tin ontheffing of no. AVP a pasa dos mocion di cual uno ta urgi gobierno pa oficina y otro facilidadnan di gobierno introduci un prohibicion di huma, y e otro ta urgi gobierno pa durante actividadnan di carnaval na e.o. prins y pancho di mucha etc, pa restringi bendemento di alcohol. "E ta pa minister wak con e mocion aki por trece cambio den e leynan respectivo" Dammers a finalisa bisando. E ley di cambio di alcohol ta drenta na vigor asina cu e keda publica, pero e otro di tabaco falta varios LBHAM cu tin cu duna e ley mas peso y contenido.