Prensa Venezolano ta desmenti prohibicion entrada pa Venezolanonan

CARACAS - Noticia cu ta circula for di ayera cu presidente di Venezuela Nicolas Maduro a prohibi re-entrada di su paisanonan te fin di e aña aki, no ta berdad. Fuentenan periodistico di NoticiaCla.com na Venezuela ta desmenti e noticia aki. "E noticia ta falso. Ningun hende ta atribui na e texto, ningun hende conoce e website" e fuentenan a bisa NoticiaCla.com. E ta un informacion cu ta circula for di ayera caba na Venezuela, y cu a causa e panico necesario internacional y consecuentemente aki na Aruba tambe. Pero ora cu un persona click riba e noticia, e ta bisabo cu e informacion y of website no ta existi, of a wordo kita. 

PROHIBICION RE-ENTRADA VENEZOLANONAN 

E articulo falso ta haci mencion di cu entrante 5 di mei (ayera), presidente Venezolano Nicolas Maduro a duna instruccion na 'entenan competente' referente tramite legal di entrada y salida di e pais cu pa ' entrante 15 di mei proximo, no ta permiti Venezolanonan den exterior bolbe Venezuela te januari 2017. Esaki pa divisa di e estado wordo 'malgasta'. Intento pa confirma e informacion cu consulado Venezolano na Aruba no tabata exitoso (ainda). Foto cortesia Venezuela today.